أول يوم شغل كان النهارده
كان حافل بمواقف كتيييييييييييييرة اوي تعصب وتضحك وتوتر
كان احساسي تجاه اليوم مختلف وعامله اكتشف
وخلص وقت شغلي علي خير الحمد لله
ولكن للاسف الوقت دا كان وقت العصر
يعني وقت ذروة
تقريبا مكون من شمس واسفلت سخن وهوا مولع
وعباره عن كائنات بتتحرك وانت مش قادر تميزهم رجاله ولا ستات من كتر الزغلله
طبعا مكانش قدامي غير اني اركب تاكسي واطير ع البيت
فاضل ساعتين تقريبا ع الفطار والدنيا زي ما حكيت لاتطاق
وقفت اتحمص شويه استني تاكسي وكل ما اقوله شدس ..يجري
يا سيدي الله يهديك برضه يمشي وكأني بشتمه
قولت يمكن المنطقه صعبه الوصول اليها
طيب اختارت منطقه اقرب منها وبرضه نفس النتيجه
بعد شويه لقيت نسمه هوا معديه كده
اللي هي حاجه لما تعدي تحس الزمن اختلف
بنطلون جينز ..وبادي ستومك
طالون ...بيرفيام ...نضاره ديور
شعر بيهفهف
طبعا انا لا املك الا اني ابص بس ..بأستغرااااب
هي ايه نزلها في الجو العجيب دا
هي ناقصه مياعه ع وقت الصيام كده
ماعلينا احنا في صيام بس يلا مش مهم
قولت خليني اركز في التاكسي
شاورت لأول تاكسي وصل وبقوله شدس قالي لآ
جات هي قالتله شدس ..
راح ضاحك ضحكه ترحااااب... أتفضلي
كأنه بيقولها اتفضلي الصالون يعني
يابن اللذيييييييييين
قهررررررررررني
انا منكرش ان البنت فعلا ملفته انا كبنت استغربت عليها جدااا
بس برضه قدر مشاعر اختك اللي هي انا :((
ماهو اصل في الموقف دا مش هيفرق معاه الا اني ابقي زي اخته
واقفه متسمرة وف الشمس والدنيا مولعه
اعمل حتي بنيه الثواب
لكن تقول لمين ولا توعي مين
هو ركز في النضارة ومعرفش يتلفت تاني
ربنا يهدي
ابقي اكتب ع التاكسي ممنوع دخول المنتقبات
ليست هناك تعليقات:
إرسال تعليق