****
حديث أم زرع هيكون ليه معانا اكتر من وقفه ان شاء الله
استوقفني كتير وفيه مواطن كتيرة محتاج كلام فيها بتمعن
خلينا الاول نبدأ بالزوجه رقم تلاته
قالت الثالثة: زوجي العَشَنَّق، إن أَنْطِق أُطَلَّق، وإن أسكت أُعلَّق.
يعني ايه عشنق؟؟
هو الطويل
والاصمعي قال ان المرأة ارادت أن تقول انه لا يملك سواه _الطول يعني_
طيب يعني ايه ان انطق اطلق وان اسكت اعلق
هي تقصد تقول ان هي لو نطقت بعيوبه هيطلقها ..ولو متكلمتش وسكتت مش هياخد باله منها اصلا
يعني محلك سر,,مش هتشعر انو موجود اصلا
لما المحدث الشيخ ابو الحويني ذكر الحديث دا
قال لفظاً يا ل سوء حظ المرأة المقيمه مع رجل بهذا الشكل
فعلا يعني ايه الراجل ما يقبلش مراته تكلمه في عيوبه ..ولو اتكلمت يبقي انتي طالق؟
من يحبك لا يحتاج الا مداراته
المقوله دي للامام الشافعي رضي الله عنه
حقيقي فعلا مقوله في قمة الابداع
المفروض ان من حسن الخلق ان الزوج بأمن علي كلام زوحته وهي بتتكلم
يعني مايسيبهاش تتكلم وهو قاعد بيبص في ناحيه تانيه نهاااااااائي
ومشغول ومش باخد باله اصلا
وكمان مش يعمل النقيد ويقعد ماسكلها ع الواحده وكل كلمة ااااااه انتي تقصدي كذا
انتي عايزة تقولي كذا
لا اله الا الله ...في ايه يا أخي مالك مش كده ابدااااااااا
النفس جبلت علي اتباع من يمدحها ..تخيل لو انت بتذم في مراتك طووووول الوقت
هي هتتبعك ازاي بس؟
دي سجينه عندك ..عاملها برفق .
انت لو زهقت منها هتطلقها او تتزوج غيرها
هي مش هتعمل حاجه الا انها تتحمل الى ان تطلق
سامعه واحد بيقولي انا فاضيلها ........هههههههههه
لا لازم تبقي فاضي معلش ..بنستسمحك تفضي شويه من وقتك الثمين وتركز مع مراتك شويه
انت ليه مش قادر تفهم ان انت هتسأل عنها
تخيل لما تبقي متجوز اتنين والقلب بيميل لوحده عن التانيه ومع ذلك لو معدلتش يبقي يوم القيامه تأتي وشقك مائل
تخيل لما تبقي واحده بسسس ومش قادر تديلها حقها ..أعوذ بالله يا أخي دا كلام برضه؟؟
هو دا الالتزام اللي اتربينا عليه
هو دا الرسول صلي الله عليه وسلم علمنا اياه
أخي ميصحش كده
راجع احواك وركز ..مش معقول يبقي محيلتكش الا زوجه واحد وتتحاسب عليها حساب عسير
ماشاء الله اسلوبك راااااااااائع يا امانى
ردحذفيلا شدى حيلك عاوزين مقالات تانية
عشان نخليكى تكتبى فى جورنال
الله يخليكي يا حبيبتي
ردحذفنورتيني بزيارتك وتعليقك
بس مش لدرجه جورنال :)