ازيكم جميعاُ
كل مرة اجي اكتب هنا بكتب للزوج او للزوجه
ولكن المره دي الامر مختلف كلياُ
هكتب عن الناس اللي حواليهم
أيوة رغم اننا مفروض مش نتكلم علي حد بس مش مهم المره دي
انا هتكلم عن اهل الزوج وأهل الزوجه
لآنهم مهمين في حياة الاتنين
اهل الزوج اوقات بيأثروا عليه وبيعامل زوجته بشكل سيء
والعكس بالعكس
ولكن برضه مش دي المشكله
المشكله انو اوقات الزوج والزوجه مش بيبقوا من النوع اللي قولناه دا
ورغم ذلك تلاقي تدخلات لا تمت بأي صلة للأصلاح
الخلاصه " فضول وتطفل وفرض ذات وخلاص"
سامحوني لكلامي ولكن دا الواقع
في وسطنا كملتزمين ممنوع راجل غريب يدخل البيت طالما راجل البيت مش موجود وكمان ممنوع ست غريبه تدخل البيت والمدام مش موجوده
ودا امر مافيهوش فصال عندنا
لكن تلاقي طنط مها جايه تسلم علي بنت خالها ومعاها عمو جمال وجايين البيت هما الاتنين
طيب راجل البيت مش موجود
اكيد بالعقل هترد زوجته وتقول لبنت عمتها انا ممكن ادخلك لكن زوجك مش هقدر عشان زوجي مش موجود
...فجوزك يا طنط مها يقدر يستني جوزي في اي مكان يناسبه لحد لما يجي
طبعا طنط مها تزعل وتاخد بعضها وتمشي واكيد مش هتنسي زوجها
عشان يلحقوا يرحوا للعيله كلها ويشتكوا
والعيله كلها تتقلب ع الاخت المحترمه
ويتقال ايه المشكله لما جمال جوز مها يدخل ...دا راجل أد ابوها ومش ممكن يبص عليها
هييييييييييييييييييه بين قوسين (ضحكه بس طالعه من جوه اوي )
وطبعا هو دا اللي حاصل دلوقتي
خلاف علي عادات البيت المسلم الملتزم في وسط عيله من العوام
****
طيب ما تيجوا ننظر للموضوع بنظرة مختلفه عن الالتزام
- انا اصلي احب ابسط اللي قدامي ..لو انا اتكلمت بنظرتهم هيرتاحوا شويه يمكن
دلوقتي ايه المشكله لو الاخ جمال زوج طنط مها فاكرينه؟؟
كويس ...
ايه المشكله لو اتصل بزوج الاخت واستأذن منه يجي ............؟
ودا حتي من باب الاتيكيت ... :") ..نحب احنا الاتيكيت اوي
واهو ساعتها زوج الاخت هيوافق وهيكون موجود
ولا هي متحلاش الزيارة الا اذا كانت مفاجأة ومن غير ما حد يكون عارف ...!!
غلاسه مش كده
وهو دا بس اللي بنتكلم فيه ..الملتزم قال ..الملتزمه عملت ...شوفوا تصرفاتهم
ومش كده وبس ..دا حتي لما بيطبقوا الدين نتمسخر عليهم
ولكن نيجي للنقيض بقي
توتي اللي متجوزه هيثم ....اكيد عندنا منهم في كل عيله
فتلاقي هيثم قاعد لوحده وجت ناني اخت توتي ملحقتش اختها فقعدت هي وهيثم لوحدهم
واوقات برضه يجي مروان اخو هيثم ميلاقيش هيثم فيقعد مع توتي وممكن يكلوا فشار ويتفرجوا علي فيلم كمان
وساعتها العيله متتكلمش وتقول حاجه
حتي لو لا قدر الله حصلت جريمه هتك اعراض محارم
كل التبرير ...آآآآآآآآآه دا ولد قليل الادب ..ازاي يبص لمرات اخوه
.................
بعد كل الاختلاط والتسيب دا وفي الاخر الولد غلطان؟؟
....
******
رجاءً يا عيله الزوج ويا عيله الزوجه
طالما ارتضيتوا الاخ دا زوج لبنتكم ...وانتوا طالما اترضيتم الاخت دي زوجه لآبنكم
مش مشكلتكم يعيشوا ازاي لاسيما لو كانوا ملتزمين
من أجمل ما قرأت
ردحذفو من أعقل ما تدبرت
جزاك الله خيرا
و ثبتنا الله و إياكى على الحق
جزانا واياكم
ردحذفجزيتم خير
راااااااااائع حقيقة ماشاء الله
ردحذفحضرتك بتكتبي بأسلوب شيق جدا
أتمنى تستمري ان شاء الله وتفيدينا