زي ماهو واضح من العنوان كده :)
بعض القراء لما قروا المدونه اتهموني اني عاملاها عشان اهاجم شويه علي الاخوه
تقريبا يقصدوا يقولوا اني ناويه اعمل حزب ضد الرجال
يعني يا نساء العالم اتحدوا ( هـههههـ)
الحقيقه انا والله مش في نيتي اظلم الاخوه خالص
ولكن منكرش ابدا اني بوجه فيها رسايل بشكل حاااااد..
ولو استنيتوا شويه عليا كنتوا هتشوفوا اني هلوم المرأة برضه بشكل حاد
الفكرة كلها ان انا عملت المدونه دي نتيجه موقف مستفز شويتين
كل ما اعدي علي منتدي او موقع
الاقي كل الكلام ...كيف تكسبين قلب زوجك ,,, كيف تشغلين زوجك
كيف تجعلين زوجك في يدك
_.. طيب تمام مافيش مشكله انا مش معترضه نوهااااااااائيا
فين المشكله بقي لحد هنا .., ما فيش
لكن المشكله كلها ان انا حاولت امر شويه علي مواضيع الرجال
لقيت مافيش اييييي رساله موجهه ليهم تماما ولو ع الاقل بشكل ودّي
قولت يمكن الرجاله عاملين اللي عليهم وزياده ومش ناقصهم نَصح ولا غلاسه يعني
وتابعت لقيت العكس تماما
الستات بقوا من كتر الكلام حاسين انهم مذنبين علي الدوااااااام
والرجاله حاسين انهم علي علي حق علي طوووووووول
سبحان الله ..يا جماعه فين العدل
الاخوه عايشين في دور انهم عاملين اللي عليهم وزياده
انا مش بلوم عليهم لآن محدش بيوجهلهم الكلام
ودايما محدش بيلوم علي الاخوه
والمرة الوحيده اللي بيتلام عليه فيها بتكون من مراته ..وبعد منها لازم يطلقها
ال اييييييه ... انا اصلي مش مقصر والكل شاهد بكده
هي اللي مش عاجبها العجب دا انا الف من تتمناني ومحدش عمره قالي انت وحش
_ الفكرة يا جماعه في المجتمع العنصري ..أيييييييييوة عنصري
يعني رجولي شويه .. مش اقصد من كلامي اني ارفع من قدر المرأة
واخليها قاضي..ولا وزيرة ولا حتي رئيسه حزب
الاخوات مش دا اللي هيعليهم
الاسلام رفع شأنهم اكتر من اي حد
اللي هيعليهم انهم يكونوا امهات صالحات
دا امر معروف جداااااااااا ..ربنا يعيننا عليه
ولكن نرجع للامر من تاني
المجتمع مش بيلوم الراجل نهااااااااااائي
يعني لو اتشاكلوا يقولوا الست هي اللي معرفتش تلم الدور
لو الراجل اتجوز عليها يقولوا اصل هو هيعمل ايه ؟؟ ماهي مراته مش مكفياه
طبعا مش كل الاخوه ...الا من رحم ربي
لو راح اشتكى لمامتها بدوووون اي اختراع منه
علي طول امها تبهدلها وانتي غلطانه وعندها استعداد تهزأ كرامتها عشان ترضيه
دا غير الكلام اللي بينهم وبين بعض ..لمي نفسك مافيش رجاله للجواز
الناس هتقول عليكي متطلقه ..و....و.... ..الباقي معروف طبعا
مافيش مشكله انو الاخ يتجوز او يطلق او يزعل هو وزوجته شويه
ولكن ع الاقل في مقوله بتقول (المسواه في الظلم عدل)
اذا انتم مجتمع عنصري يبقي علي الاقل انصر اخالك ظالما او مظلوماً
انا مش باجي علي الاخوه ولكن قصدت اوصل رساله البعض في غفله عنها
ليست هناك تعليقات:
إرسال تعليق