القلب يمي لك مشى .. بالعطف والطيب انتشى
في حضنها عمري نشى .. ومن حبها قلبي يميل
امي حياتي وجنتي .. انتي عيوني وبسمتي
حبك شعاع بمهجتي .. والشعر من حبك يسيل القلب سعده من رضاك .. والكون عطره من شذاك
كلي على بعضي فداك .. إن غبت سموني القتيل
يانبض قلبي والوجود .. ياروح عمري يا الودود
يا أغلى من كل الحشود .. المدح في حقك قليل
يا دمع احرقت العيون .. وامي عليه ما تهون
لكن إذا حل المنون .. ما يوقفه قال وقيل
يا ناس من لي بعدها .. يا ناس منهو يردها
تكفون قولوا وينها .. عذبت قلبي بالرحيل
يا الله عساها في الجنان .. تنعم بخيرات حسان
وتبدل ايام الزمان .. بالعيش والدار الجميل
ليست هناك تعليقات:
إرسال تعليق