أدي علي قد ما تاخد ..وف نفس الوقت ادي قبل ما تاخد

 بعض الوقت بنعامل الناس بشكل طيب وجميل فعلا

مش لآننا بنمثل ولكن بنكون فعلا حاسين اننا لازم نعامل الطرف الاخر بالشكل دا..ميصحش نعامل حد بشكل وحش

بنبدأ نحسن ونُحسن ونُحسن  لحد ما نلاقي الرد بالاساءة 

سبحان الله ..أمر عيب جدااا

وعلي النقيض تلاقي اللي بيسيء بيتعامل كويس

حاجه عجيبه ولكن تفسيرها ساهل اوي 

احنا لما بنتصدم المفروض نفهم ان التصادم مش نتيجه تعاملنا 

هو نتيجه عدم التدقيق بمعرفتنا بالناس 

بنتخدع فيهم بمظهرهم وشكلهم وسمتهم ...!!

(ممثلين محترفين واشهد بدا)

عشان كده لما بنعاملهم بالحسنى مش بيمشي معاهم الكلام دا ...بيبدأوا يتملعنوا ..هما مش واخدين يتعاملوا بالاحسان 

هما واخدين يتعاملوا بال... إساءة :)

سبحانك ربي طبعهم يتهانوا ..!! يارب سلم سبحانك

طيب والناس اللي بتتعامل مع الطرف الاخر بالاساءة ليه بتتعامل كويس 

لآنها هي بتنتقي الناس اللي بتسيء إليهم ..مش معقول واحد طبعه سيء وغير مهذب هيختار يهين واحد عنده كرامه

لآنو عارف انو اكيد مش هيقبلها وهيبتعد..

فأكيد هيختار فئه معينه بتكون تابعه لمصلحه ويفضل دائما كاسر نفسهم  ويهين ويبهدل زي ماهو عايز 

.. اه والله فعلا في ناس وجودهم بيكون للاستغلال ليس الا والاستقطاع ..وبعد ما حاجتي منك تنتهي والله ما اعرفك

ربي يعافينا وينزعهم من حياتنا اللهم آآآآآآآآمين

فالفرق بينا وبينه ان هو اختار الفئه لكن احنا اتخدعنا 

وبعدين نرجع نقول اننا بنعامل كل الناس كويس

لكن الاصح اننا نعامل كل الناس  مش سيء ..لكن معتدل لا افراط ولا تفريط

أدي علي قد ما تاخد ..وف نفس الوقت ادي قبل ما تاخد

إِذاَ أَنْتَ أكْرَمتَ الكَريِمَ مَلكْتَهً ..وإذَا أنتَ أكْرمْتَ اللّئِيمَ تَمْرداَ

اللهم اني اسألك ان تبعد عن عيني وحياتي كل من يستغلني 

اللهم اني اسألك ان تقطع عني كل شرير ماكر 

اللهم اني اسألك ان تقتص بحقي من كل من اعتبرني مصلحه

اللهم آتني بحقي ولا تجعله مستباح

اللهم اني اسألك ان تأتيني بحقي من أُناس بعينهم أنت تعلمهم

فلا تسامحهم ولا تعفو عنهم  في حقي 

اللهم انت عوني فكن معي ولا تكن علي 

حسبي الله  ونعم الوكيل

مطلوب ..وتم بحمد الله