لا يخلون رجل بامرأة إلا كان ثالثهما الشيطان
من زمااااان واحنا عارفين الحديث دا
وفاهمينه كويس
وعارفين انو مافيش راجل وامرأة بيكون بينهم خلوه لوحدهم
الا والشيطان ثالثهم
لكن الاغلبيه العظمي فاهمة انو دا بالنسبه للرجل الاجنبي عن المرأة
يعني اتنين مش محارم لبعض ..مثلا واحده وزميلها ..واحده وجارها
لكن اللي قليل جدا بيعرفه انو حتي الراجل وزوجته بيكون الشيطان ثالثهم بالاخص الملتزمين...!!
صعبه..؟
طيب هنفهم
عادة الشيطان موكل نفسه يخرب العامر ودا الامر اللي مفروغ منه
فلما يلاقي بيت مسلم هينبت ذريه مسلمة صالحه
وزوج مرتاح وزوجه مبسوطه يبدأ يشوف شغله عشان مايصلحش الامور
وتتخرب الدنيا خاااالص
ودا اللي المفروض ياخد باله منه كل الازواج الصالحين قبل الزوجات
يعني يبدأ ينكش في راسه ..ياسيدي طنشها ..زعق براحتك دا بيتك
متاخدش بالك من مشاعرها ...انت فاكر سنة 50 امها عملت فيك ايه
انت فاكرة سنه 70 هي بصتلك ازاي ..طيب انت فاكر يوم ما زعقت وعلت صوتها ....!!
وطبعا بيروح للزوجه ..انتي تاعبه روحك ليه في الاهتمام بيه
ما يمشي في اي مكان يعجبه ..ولا تعبريه ولا تهتمي بيه ... هو بيزعقلك علي خيبه ايه
هو احسن منك في حاجه ..؟,,.. انتي فاكرة سنة 15 لما رمالك الهدوم في الارض
انتي فاكرة الشهر الي فات لما صرخ في وشك...انتي فاكرة لما كلمتيه عشان تطمني عليه وشتمك ...!! دا مفتري
وطبعا الدنيا تقوم ومتقعدش
وطبعا الشيطان قلما يروح لزوج وزوجه مش ملتزمين
لآن هما اللي عندهم كافي ..اغاني ..تسيب ...اختلاط
فهو شايف انهم شايفين شغله وزياده
يبقي الافضل الازواج مايتركوش مجال للشيطان يشوف شغله
ويبدأوا هما يشوفوا شغلهم بالاصلاح ..
ليست هناك تعليقات:
إرسال تعليق